राजश्री छत्रपती शाहू महाराज यांच्या २६ जून रोजी जयंतीदिनी होणार सन्मान…
अमळनेर:- लोकराजा राजश्री छत्रपती शाहू महाराज यांच्या २६ जून या जयंतीदिनाचे औचित्य साधून लोकराजा राजश्री छत्रपती शाहू महाराज “समाजभूषण पुरस्कार” आयोजन रायबा बहुउद्देशीय संस्थेद्वारे करण्यात आले आहे.
लोकराजा राजश्री छत्रपती शाहू महाराज यांनी महाराष्ट्रात शिक्षण, कृषी, आरोग्य, सांस्कृतिक, कला, क्रीडा, राजकीय, सामाजिक अशा सर्वच क्षेत्रात भरीव कार्य केले आहे. त्यामुळे आज संपूर्ण महाराष्ट्र शाहू -फुले-आंबेडकरांचा महाराष्ट्र म्हणून ओळखला जातो. त्यांच्या या कार्याची जनजागृती व्हावी व प्रचार प्रसार व्हावा यासाठी समाजातील विविध क्षेत्रातील उदाहरण कृषी, शिक्षण, कला, क्रीडा, राजकीय, सांस्कृतिक, पर्यावरण, व्यापार, उद्योग, आरोग्य अशा अनेक क्षेत्रातील उल्लेखनीय कामगिरी करणाऱ्या मान्यवरांना रायबा बहुउद्देशीय संस्थाद्वारे समाजभूषण पुरस्कार देवून गौरविण्यात येणार आहे. यामागील राजश्री छत्रपती शाहू महाराज यांच्या कार्याची जनजागृती व्हावी आणि समाजातील नागरिकांना त्याच्या कार्याची माहिती मिळावी हा या पुरस्कारामागचा उद्देश आहे. तरी पुरस्कारासाठी नामांकन पाठविण्याचे आवाहन करण्यात येत असून अधिक माहितीसाठी प्रमोद पाटील (मोबाईल क्रमांक ९८८११९४८१६), प्रफुल पाटील- 7350435866 यांच्याशी संपर्क साधावा.
