साई इंग्लिश अकॅडमी व वन विभागाचा संयुक्त उपक्रम…
अमळनेर:- 5 जून रोजी जागतिक पर्यावरण दिनानिमित्त सामाजिक वनीकरण विभाग व साई इंग्लिश अकॅडमी यांनी संयुक्तपणे जागतिक पर्यावरण दिन साजरा करत विद्यार्थ्यांना रोपांचे वाटप केले.
या सोहळ्यास वन विभाग टीमची उपस्थिती होती. यावेळी वनपरिक्षेत्र अधिकारी बळवंत विठ्ठल पाटील, वनपाल पी.जे. सोनवणे, वनपाल आय.टी. चव्हाण, वनपाल वैशाली साळी, रामदास वेलसे,सीमा शिंदे, दिनेश देवरे व डॉ.विलास पाटील हे उपस्थित होते. बळवंत पाटील यांनी यावेळी मनोगत व्यक्त करताना सांगितले की, पर्यावरणाच्या अनेक समस्या सध्या जगभरात जाणवत आहेत. त्यासंदर्भात जनमानसांत जागरूकता निर्माण व्हावी, यासाठी दरवर्षी जागतिक पर्यावरण दिन साजरा केला जातो. कोरोना काळात ऑक्सिजनचे महत्व आपल्याला समजले, वृक्ष हेच ऑक्सिजन प्राणवायूचे प्रमुख स्त्रोत आहेत. म्हणूनच जास्तीत जास्त वृक्ष आपण लावली पाहिजेत,ती जगवली पाहिजे असे प्रतिपादन केले. ह्या प्रसंगी साई इंग्लिश अकॅडमीच्या विद्यार्थ्यांना रोपे वाटप करण्यात येवून त्यांचे संगोपन कसे करावे याबाबत माहिती देण्यात आली. विद्यार्थ्यांनी यावेळी सांगितले की, आम्हाला मिळालेली रोपे आम्ही आजच आमच्या घराच्या बागेत, परिसरात,शेतात व इतरत्र लावू.
रोपांची काळजी घेऊन,संगोपन करून रोपांचा वाढदिवस साजरा करू. सोहळ्याचे प्रास्ताविक साई इंग्लिश अकॅडमी संचालक भैय्यासाहेब मगर यांनी केले. सूत्रसंचालन व आभार कु. प्रियंका बारी यांनी मानले. कार्यक्रम यशस्वीतेसाठी अकॅडमीचे पूर्वा देसले,कल्याणी पाटील,सनय पाटील, वेदांत जाधव,भावेश सरोदे, भावेश पाटील,वेदांत पाटील,साई पाटील, दिग्विजय पाटील, श्लोक सूर्यवंशी यांनी प्रयत्न केले.
