अमळनेर:- जिल्ह्यातील धरणगाव येथील लहान बालिकांवर अत्याचार प्रकरणी अमळनेर तेली पंच मंडळाकडून निषेध व्यक्त करत निवेदन देण्यात आले.
धरणगाव येथील अल्पवयीन मुलीवर झालेल्या अत्याचार प्रकरणी आरोपीचा निषेध व्यक्त करत सदर आरोपीला फाशीची शिक्षा झाली पाहिजे. सदरची घटना निंदनीय असून सदर आरोपीस इतकी कठोर शिक्षा द्यावी की यापुढे कोणी असे कृत्य करण्यास धजावणार नाही. ही मागणी मुख्यमंत्री व गृहमंत्री यांच्यापर्यंत पोहचावावी असे निवेदनात नमूद केले असून प्रांताधिकारी सीमा अहिरे यांना निवेदन देण्यात आले. सदर निवेदनावर तेली पंच मंडळ अध्यक्ष संजय चौधरी, उपाध्यक्ष सुरेश चौधरी, अरुण चौधरी, पराग चौधरी, सुरेश चौधरी, शांताराम चौधरी यासह अनेकांच्या सह्या असून निवेदन देतेवेळी मोठ्या प्रमाणावर समाज बांधव व भगिनी उपस्थित होत्या.
