अध्यक्षपदी सचिन निफाडकर तर उपाध्यक्षपदी कुणाल दहीवाळ यांची नियुक्ती…
अमळनेर:-अमळनेर गोल्ड व्हॅल्युअर असोसिएशनच्या पदाधिकाऱ्यांची निवड करण्यात आली असून अध्यक्षपदी सचिन निफाडकर तर उपाध्यक्षपदी कुणाल दहीवाळ यांची नियुक्ती करण्यात आली आहे.
सुवर्ण नगरीतील जेष्ठ समाज सेवक व मार्गदर्शक अमळनेर सराफ असोसिएशनचे माजी अध्यक्ष मदन पितांबर शेठ सराफ (अप्पा), भैय्या भाऊ भामरे, जळगाव जिल्हा उपाध्यक्ष महेंद्र कृष्णाशेठ सोनार यांनी या निवडीबद्दल कौतुक व सत्कार केला. तसेच पुढील वाटचाली साठी शुभेच्छा दिल्या. सोने चांदी व्यवसायातील प्रदीर्घ अनुभव व अमळनेर शहरातील अनेक बँकांचे सोनेतारण व्हॅल्युएशनचा अनेक वर्षाचा अनुभव बघता त्यांची ही नियुक्ती करण्यात आली आहे. राज्यस्तरीय महाराष्ट्र गोल्ड व्हॅल्युअर्स असोसिएशनचे राज्यअध्यक्ष पुरुषोत्तम काळे उपाध्यक्ष नचिकेत जी भुर्के, संघटक भैय्या भाऊ भामरे या पदाधिकारींच्या स्वाक्षरीच्या पत्रा द्वारे सदर नियुक्ती करण्यात आली आहे.
