अमळनेर:- शहरातील न्यू सप्तशृंगी ग्रुप तर्फे दिनांक 21 मार्च 2022 रोजी छत्रपती शिवाजी महाराज यांची तिथीनुसार जयंती उत्साहात साजरी करण्यात आली. न्यू सप्तशृंगी ग्रुपचे युवा नेते महेश जाधव यांच्यासोबत युवकांनी महिनाभर शिवजयंती उत्सवाची जय्यत तयारी केली होती. सर्व कार्यक्रम लोकसहभाग, लोकवर्गणी यांच्या माध्यमातून पार पडला. शिवजयंती कार्यक्रमाच्या प्रसंगी युवा उद्योजक विक्की जाधव यांच्या हस्ते सप्तशृंगी मातेची आरती करण्यात आली. मान्यवर माजी नगरसेवक विक्रांत पाटील, उपनगराध्यक्ष बिजू नाना लांबोळे, माजी नगरसेवक साहेबराव पवार, नगरसेवक प्रताप शिंपी, ज्येष्ठ सामाजिक कार्यकर्ते अण्णासाहेब निकुंभ, पत्रकार दिनेश नाईक, क्षत्रिय बडगुजर समाजाचे अध्यक्ष छोटु आबा बडगुजर, सन्नी भाऊ जाधव, साखर लाल महाजन, युवा कार्यकर्ते अमोल भावसार आदी मान्यवर उपस्थित होते. मान्यवरांचा सत्कार न्यू सप्तशृंगी मित्र मंडळातील कार्यकर्त्यांच्या हस्ते करण्यात आला. मान्यवरांच्या हस्ते छत्रपती शिवरायांची आरती करण्यात आली. सर्व मान्यवर व युवकांनी शिवरायांच्या गाण्यावर ठेका धरून परिसरात चैतन्य निर्माण केले. यावेळी न्यू सप्तशृंगी ग्रुपच्या वतीने परिसरात सर्व सामाजिक कामात सक्रियपणे सहभाग घेण्याचे संकल्प करण्यात आला. पुढील वर्षी शिवजयंती याहीपेक्षा मोठी करु व छत्रपती शिवाजी महाराज यांच्या विचाराने आगामी काळात न्यू सप्तशृंगी ग्रुप कार्य करेल असेही ठरविण्यात आले.
