अमळनेर पोलिसांनी मालेगावातून घेतले ताब्यात…
अमळनेर:- तालुक्यातील शेतकऱ्यांचे पशुधन चोरून नेणाऱ्या टोळीच्या म्होरक्यास अमळनेर पोलिसांनी जेरबंद केले आहे.
शहरातील व ग्रामीण भागातील शेतकऱ्याचे पशुधन रात्रीच्या वेळी चारचाकी वाहनातून चोरुन नेणाऱ्या टोळीचा मोरक्या रशिद कुरेशी व त्याचा भाऊ शकील यांचा मागील आठ महिन्यांपासून अमळनेर पोलिस शोध घेत होते. त्यातील मुख्य सुत्रधार रशीद हा मालेगाव शहरात पाचव्यांदा नवीन लग्न करून संसार थाटुन दडुन बसला आहे अशी गुप्त बातमी मिळाल्यानंतर पो. नि. जयपाल हिरे यांनी सहा.पोलीस उप निरीक्षक विलास पाटील, मिलिंद भामरे, साळुंके यांना मालेगाव शहरात पाठवले तसेच तेथील गुप्त बातमीदारांना सक्रिय करत आरोपी रशिद शफी कुरेशी व शकील शफी कुरेशी अशांना बातमी काढून वेगवेगळ्या ठिकाणावरून अटक केली आहे. त्यांच्या विरुद्ध भादवि कलम 379,34 अन्वये गुन्हा दाखल असुन आरोपींना दोन दिवस पोलीस कस्टडी रिमांड मिळाली आहे.
