अमळनेर:- तालुक्यातील खेडी बु’. जि.प. शाळेत शाळा पुर्व तयारी मेळाव्याचे आयोजन करण्यात आले होते. यावेळी विद्यार्थ्यांचे उत्साहात स्वागत करण्यात आले.
दि. 15 जून रोजी जि.प.प्राथमिक शाळा खेडी बु”येथे शाळा पुर्व तयारी मेळावा व निपुण भारत अंतर्गत पालक संपर्क मेळाव्याचे आयोजन करण्यात आले होते. सुरवातीला विद्यार्थ्याचे गुलाब पुष्प देऊन स्वागत करण्यात आले. शालेय व्यवस्थापन समितीचे अध्यक्ष कविता ज्ञानेश्वर पाटील,प्रवीण पाटील, ज्ञानेश्वर पाटील, राकेश पाटील, पंचायत समितीचे कनिष्ठ सहायक अनिल पाटील, रोहिदास पाटील यांनी नवागताचे स्वागत केले तसेच मुलांना गणवेश व पुस्तक वाटप करण्यात आले मुख्याध्यापक भारती चौधरी यांनी पालक व मुलांना मार्गदर्शन केले. किरण मोहिते सरांनी पालक संपर्क अभियान अंतर्गत पालकांना मुलाकडून काय करवुन घ्यायचे ? पालक म्हणुन आपली जबाबदारी काय सविस्तर ? याची माहिती दिली. अगदी खेळीमेळीच्या वातावरणात कार्यक्रम संपन्न झाला.
