धार येथील पाटील माध्यमिक विद्यालयातील निशा मिस्तरीचे यश…
अमळनेर:- तालुक्यातील एस. एस. पाटील माध्यमिक विद्यालय धार ता.अमळनेर या शाळेची विद्यार्थिनी कु. निशा किशोर मिस्तरी इयत्ता दहावीच्या परीक्षेत ८९.८० टक्के गुण प्राप्त करून शाळेत प्रथम क्रमांकाने यशस्वी झाली.
कु. निशा मिस्तरी हिचे दहावीचे वर्ष अन् वडीलांचा अपघातात दुर्दैवी मृत्यू झाला. तिचे पितृछत्र हरपले मात्र अशा परिस्थितीत तिने न डगमगता अहोरात्र मेहनत, अथक परिश्रम घेत दहावीच्या परीक्षेत मोठे यश संपादन केले.व शाळेत प्रथम क्रमांक पटकावला.घरची परिस्थिती नाजूक असताना देखील तिने हे यश मिळविले.
या यशाबद्दल संस्थेचे अध्यक्ष गणेश धोंडू पाटील, सर्व संचालक, शाळेचे मुख्याध्यापक उमाकांत गिरीधर साळुंखे तसेच सर्व शिक्षक व शिक्षकेतर मंडळींनी कौतुक केले. तसेच गावातील ग्रामस्थांनी देखील कौतुक व अभिनंदन केले.
