अमळनेर:- शहिद भगतसिंग फाऊंडेशन भुसावळ संस्थेच्या विद्यमाने “राष्ट्रपिता महात्मा फुले यांचे शैक्षणिक कार्य व वर्तमानात त्यांच्या शैक्षणिक विचारांची आवश्यकता ” या विषयावर राज्यस्तरीय निबंध स्पर्धा घेण्यात आली होती. या स्पर्धेचा बक्षीस वितरण सभारंभ दिनांक १९ जून २०२२ रोजी नाहटा महाविद्यालय भुसावळ येथे पार पडला.
सदर कार्यक्रमात शिक्षक, कवी तथा पत्रकार अजय भामरे यांना उत्तेजनार्थ बक्षीसउपस्थित मान्यवरांच्या हस्ते प्रदान करण्यात आले. याप्रसंगी संस्थेचे अध्यक्ष निलेश रायपूरे, कार्यक्रमाचे अध्यक्ष प्राचार्य डॉ वासुदेव वले, ज्येष्ठ सामाजिक कार्यकर्ते रघुनाथ सोनवणे, कला महाविद्यालय भालोद प्राचार्या वर्षा नेहेते, वंशिका खोब्रागडे मॅडम, जयेंद्र लेकुरवाळे ,जे. पी. सपकाळे, मा.प्रा. डॉ दिनेश पाटील, संजयसिंग चव्हाण,प्रा. डॉ.जतिन मेढे, समाधान जाधव आदी मान्यवर उपस्थित होते.
