कळमसरे येथील एकाचा मृत्यू, एक गंभीर जखमी…
अमळनेर:- धार अमळनेर रस्त्यावर दुचाकीचा अपघात झाल्याने कळमसरे येथील एकाचा मृत्यू तर एक जण गंभीर जखमी झाल्याची घटना घडली आहे.
दि. १० ऑक्टोबर रोजी रात्री ८:४५ वाजेच्या सुमारास कळमसरे येथील राहुल निकम व भिमराव आनंदराव चौधरी हे अमळनेरहून कळमसरेकडे घरी जाताना रस्त्यावर चिन्मय हॉटेलजवळ समोरून येणाऱ्या एमएच १८ एएम ६१५६ या गाडीवरील अज्ञात दुचाकीस्वाराने बेजबाबदार पणे वाहन चालून धडक दिली. यावेळी तिथून जाणाऱ्या मारवड येथील डॉ. विलास पाटील, अशोक साळुंखे व गणेश शांताराम पाटील यांनी त्यांना अमळनेर ग्रामीण रुग्णालयात दाखल केले. यावेळी डॉक्टरांनी राहुल लोटण निकम (वय ४०) यास तपासून मृत घोषित केले तर भिमराव आनंदराव चौधरी यांना गंभीर दुखापत झाल्याने पुढील उपचारासाठी धुळे येथे नेण्यात आले आहे. गौतम निकम यांच्या फिर्यादीवरून अज्ञात वाहनचालकाविरुद्ध अमळनेर पोलीसात भादवि कलम ३०४, २७९,३३७,३३८, १८४, १३४ अन्वये गुन्ह्याची नोंद करण्यात आली असून पुढील तपास पो.हे. कॉ. कैलास पवार करीत आहेत.
