आंतरविद्यापीठ स्पर्धेसाठी उत्तर महाराष्ट्र विद्यापीठ संघात झाली निवड…
अमळनेर:- कवियत्री बहिणाबाई चौधरी उत्तर महाराष्ट्र विद्यापीठ, जळगाव अंतर्गत झालेल्या अंतर विभागीय तायक्वांदो स्पर्धेत कु.पलक कमल कोचर प्रथम क्रमांकाने विजयी झाली.
ती कमल आसकारण कोचर मा. उपाध्यक्ष खा. शि. मंडल यांची मुलगी असून धनाजी नाना चौधरी महाविद्यालय, फैजपूर येथे संपन्न झालेल्या विद्यापीठ स्तरीय स्पर्धेत अत्यंत चूरसीच्या लढतीत कु.पलक हिने ५७ किलो वजन गटात तायक्वांदो स्पर्धेत प्रथम क्रमांक मिळवला. कु.पलकची आंतर विद्यापीठ स्पर्धेसाठीच्या उत्तर महाराष्ट्र विद्यापीठ संघात तिची निवड झाली आहे. ती प्रताप महाविद्यालयत शिक्षण घेत असून तिच्या या कामगिरी बद्दल कोचर परिवार व मित्र परिवारा तर्फे अभिनंदनाचा वर्षाव होत आहे.
यात शारीरिक शिक्षण संचालक प्रा. सचिन पाटील सर, प्रा. अमृत अग्रवाल आणि क्रीडाप्रेमी यांनी पलकचे अभिनंदन करत पुढील वाटचालीस शुभेच्छा दिल्या.
