जिल्हास्तरीय क्रिकेट स्पर्धेत मिळवला प्रथम क्रमांक…
अमळनेर:- क्रीडा व युवक संचालनालय महाराष्ट्र राज्य पुणे व जिल्हा क्रीडा अधिकारी जळगाव आयोजित दि.१८ नोव्हेंबर रोजी प्रताप कॉलेज अमळनेर येथे तालुकास्तरीय क्रिकेट स्पर्धा व दिनांक २४ नोव्हेंबर ते २५ नोव्हेंबर २०२२ रोजी जिल्हास्तरीय क्रिकेट स्पर्धा बियाणी मिल्ट्री स्कूल, भुसावळ या ठिकाणी मोठ्या उत्साहात पार पडल्या.
यामध्ये जळगाव जिल्ह्यातील सर्व शाळेतील विद्यार्थ्यांनी सहभाग घेतला, या खेळामध्ये सेंट मेरी इंग्लिश मेडियम हायस्कूल, मंगरूळच्या १४ वर्षाआतील विद्यार्थ्यांनी चांगली कामगिरी करत प्रथम क्रमांक मिळविला. या सर्व विजयी विद्यार्थ्यांचे शाळेच्या मुख्याध्यापिका सिस्टर जाईस, उपमुख्याध्यापिका सिस्टर सिन्सी, यांनी गुलाब पुष्प देऊन शुभेच्छा दिल्या. कोच संजय पवार सर व सचिन पवार सर, क्रीडा शिक्षक कमलेश मोरे सर, किरण शिंपी सर यांचे मोलाचे मार्गदर्शन लाभले.
नाशिक विभागीय स्तरावर हर्षवर्धन पवार, हर्ष महाजन, सनी पाटील,भावेश पाटील, ओम पवार, हर्षवर्धन पाटील, शेख अबू बर्जा, हितेन सासनानी, हर्षवर्धन खंडागरे,अजिंक्य देशमुख, वरद रनाळकर, वैभव पाटील, मंथन पाटील, भावेश पाटील, संकेत पाटील, नयन चौधरी या खेडाळूंची निवड झाली असून या सर्व विभागीय स्पर्धेसाठी विजयी खेळाडूंना सर्व स्तरातून अभिनंदन व शुभेच्छांचा वर्षाव होत आहे.
