शेतकऱ्याची अज्ञात चोरट्याविरुद्ध फिर्याद…
अमळनेर:- तालुक्यातील तळवाडे येथे शेतातून ठिबकच्या नळ्या चोरुन नेल्याने अज्ञात चोरट्याविरुद्ध मारवड पोलिसांत तक्रार दाखल करण्यात आली आहे.
याबाबत अधिक माहिती अशी की, पृथ्वीराज पाटील रा. तळवाडे यांची वावडे रस्त्याला लागून शेती असून शेतात ठिबकच्या नळ्या जमा केल्या होत्या. दिनांक २ एप्रिल रोजी सकाळी त्यांचा मुलगा राहुल हा शेतात गेला असता ठिबकचे बंडल दिसून न आल्याने त्याने वडिलांना फोन करून बोलविले. त्यांनी तपास केला असता बाजूचे शेतकरी राजेंद्र पाटील यांच्या शेतातून हि नळ्या लंपास झाल्या असून त्यावरून अज्ञात चोरट्याने त्या चोरुन नेल्याची खात्री झाल्याने एकूण ४० बंडल ठिबक नळी चोरुन नेल्याबाबत मारवड पोलिसांत तक्रार देण्यात आली असून पुढील तपास पोलीस करीत आहेत.
