ग्रामस्थांनी निवडीबद्दल आईवडीलांसह केला सत्कार…
अमळनेर:- तालुक्यातील चिमनपुरी पिंपळे येथील कुणाल चौधरी याची नेव्हीत निवड झाली असून त्याचा ग्रामस्थ व शाळेच्या वतीने सत्कार करण्यात आला.
जिद्द, चिकाटी, आत्मविश्वास असला तर आपण कोणत्याही क्षेत्रात यशस्वी होऊ शकतो. आईवडिलांच्या बरोबरीने शेतीची काम करीत रिक्षा चालवणे व जसा वेळ मिळेल तसा अभ्यास करत कुणाल चौधरी याने संधी शोधत संधीचे सोने केले व त्यांने मिळवलेले यश कौतुकास्पद आहे असे मत यावेळी मान्यवरांनी व्यक्त केले. चिमनपुरी पिंपळे येथील कै सुकलाल आनंद माध्यमिक विद्यालयाचे मुख्याध्यापक, शिक्षक व ग्रामस्थांच्या वतीने त्यांचा कुणाल व त्याचे आई-वडिलांचा सत्कार करण्यात आला. ग्रामस्थांच्या वतीने निबा दला चौधरी, युवराज दगा पाटील,मोहित भागवत पाटील, मयूर सखाराम पाटील, रोशन विनोद पाटील,बाळू पाटील, सचिन गोकुळ पाटील , कमलेश दादाभाई पाटील, घनश्याम नारायण पाटील,सागर देविदास पाटील, माजी ग्रामपंचायत सदस्य यांनी सत्कार केला
कुणालने अग्निपथ द्वारे नेव्हीत यश मिळाले असून चिल्का येथे ट्रेनिंग पूर्ण केले आहे. त्याबद्दल त्यांचे सर्वत्र कौतुक केले जात आहे.
