अमळनेर:- तालुक्यातील ढेकू खुर्द येथील रहिवासी व सध्या जळगाव येथे राहत असलेल्या वैष्णवी भगवान पाटील हिने आयआयटी गेट परीक्षेत नेत्रदीपक यश संपादित केले आहे.
उत्तराखंड राज्यातील रुडकी जिल्ह्यातील भारतीय तंत्रज्ञान संस्था, रुडकी (आयआयटी) येथे एमटेकसाठी तिची निवड झाली आहे. सर्व स्तरातून तिचे कौतुक होत आहे. कु. वैष्णवी ही जैन इरिगेशन येथील सिनियर मॅनेजर भगवान गबा पाटील यांची कन्या असून तिची आई अडावद नूतन माध्यमिक विद्यालयातील शिक्षिका आहेत. मार्गदर्शक गुरूजनांनी कु. वैष्णवीला पूढील शैक्षणिक वाटचालीस शुभेच्छा दिल्या आहेत.
