सागर मोरे
पातोंडा ता.अमळनेर:- येथील पातोंडा विविध कार्यकारी सहकारी संस्थेच्या चेअरमनपदी माजी सरपंच सुनिल पवार यांची तर व्हाईस चेअरमनपदी जगन्नाथ सोनवणे यांची निवड झाली आहे.
संस्थेच्या सन 2021-2026 या कालावधीची पंचवार्षिक निवडणूक नुकतीच पार पडली होती. निवडणुकीत परिवर्तन पॅनलचे सात तर बहुजन शेतकरी पॅनलचे सहा उमेदवार निवडून आले होते.चेअरमन पदाच्या निवडणूकीसाठी संस्थेच्या आवारात सर्वसाधारण सभा आयोजित करण्यात आली होती. त्यात परिवर्तन पॅनलच्या उमेदवारांना सात तर बहुजन पॅनलच्या उमेदवारांना सहा मते पडली. त्यात परिवर्तन पॅनलचे सुनिल पवार यांची संस्थेच्या चेअरमनपदी तर व्हाईस चेअरमनपदी जगन्नाथ सोनवणे यांची निवड झाली.त्यांच्या निवडीचे ग्रामस्थांकडून अभिनंदन होत आहे.
