शिंदखेडा:- मयत पोलीस पाटलांच्या कुटुंबांसोबत दिवाळी साजरी करत शिंदखेडा पोलीस पाटील संघटनेने अनोखा आदर्श समाजासमोर ठेवला आहे.
शिंदखेडा तालुक्यातील पाटण येथील पोलीस पाटील श्यामकांत पाटणकर व आकडसे येथील पोलीस पाटील सुनील कोळी यांचे मागील काही महिन्यापूर्वी निधन झाले. या घरातील कर्ता पुरुष गेल्यामुळे या दोन्ही कुटुंबावर मोठा दुःखाचा डोंगर कोसळला. अशा प्रसंगी शिंदखेडा तालुका पोलीस पोलीस पाटील संघटनेचे कार्याध्यक्ष डॉक्टर महेंद्र पाटील, भडणे येथील आदर्श पोलीस पाटील युवराज माळी, कुमरेज येथील पोलीस पाटील प्रदीप गिरासे यांनी भाऊबीजेच्या दिवशी दोन्ही पोलीस पाटील यांच्या कुटुंबांना फराळ मिठाई देऊन त्यांच्यासोबत भाऊबीज साजरी करून त्यांच्या दुःखात सामील होऊन त्यांना दीपावली सणासुदीच्या काळात एक भेट देत त्यांच्या समवेत दिवाळी साजरा केली. यावेळी संघटना नेहमी पोलीस पाटलांच्या सुखदुःखाच्या वेळेस नक्की ठामपणे उभे राहील असा आशावाद माजी तालुकाध्यक्ष शिवाजी पाटील यांनी व्यक्त केला. त्यांच्या या अभिनव उपक्रमाबद्दल संघटनेचे मनोहर भदाणे, चरणसिंग गिरासे, गणेश गिरासे, छोटू पाटील, भैय्या नगराळे, भाऊ परदेशी आदींनी कौतुक केले.
