कर्जाच्या विवंचनेत शेतातील झाडाला गळफास घेत संपविली जीवनयात्रा…
अमळनेर :- तालुक्यातील कन्हेरे येथील कर्जबाजारी शेतकरी राजेंद्र गोरख पाटील वय ५८ यांनी स्वतःच्या शेतात झाडाला दोर बांधून गळफास घेतल्याची घटना दि १५ रोजी सायंकाळी ७.३० वाजेच्या सुमारास घडली असुन अमळनेर पोलिसात अकस्मात मृत्यूची नोंद करण्यात आली आहे
याबाबत सविस्तर असे की मयत राजेंद्र गोरख पाटील व त्यांचे वडील एकत्र राहत होते मात्र वडील मयत झाल्यानंतर त्यांच्या नावाचे विविध कार्यकारी सोसायटी चे सुमारे १.५० लाख रुपये कर्ज थकीत होते. शेतात गेल्या दोन वर्षांपासून उत्पन्न कमी व लाईटबिल सुमारे ५० हजार तसेच हात उसनवारी सुमारे २ लाख रुपये असे सुमारे ४ लाख कर्जामुळे त्यांनी आत्महत्या केल्याची माहिती आहे. त्यांच्या पश्चात पत्नी,एक मुलगा,एक मुलगी,चार भाऊ असा परिवार आहे.
