अमळनेर:- तालुक्यातील बोरगाव येथे गावठी दारू विकणाऱ्या एकास रंगेहाथ पकडत मारवड पोलिसांनी कारवाई केली आहे.
याबाबत अधिक माहिती अशी की, सपोनि जयेश खलाने यांना मिळलेल्या गुप्त माहितीच्या आधारे पीएसआय पेठकर, पोना मुकेश साळुंखे, पोना सुनील तेली यांनी बोरगाव येथे प्लॉट भागात प्लॅस्टिक चा ड्रम घेवून पडलेल्या एका इसमावर छापा टाकला असता तो गावठी दारू विकत असल्याचे आढळून आले. त्याचे नाव विचारले असता बाजीराव पांडुरंग भील (वय ४५) असे सांगितले व त्याच्याकडून १२०० रुपये किमतीची ३० लिटर गावठी दारू मिळून आली. नमुने घेवून उरलेल्या मालाचा जागीच नाश करून आरोपीला पोलिसांनी ताब्यात घेतले आहे. मारवड पोलीसात मुं.प्रो. ॲक्ट ६५ ई अन्वये गुन्ह्याची नोंद करण्यात आली आहे.
