मांडळ शिवारातील घटना, पोलीसात तक्रार दाखल…
अमळनेर:- तालुक्यातील मांडळ शिवारातील शेतातून बोअरवेलची केबल वायर चोरून नेल्याची घटना घडली असून मारवड पोलीसात याप्रकरणी तक्रार देण्यात आली आहे.
शेतकरी राजेंद्र चव्हाण रा. मांडळ यांच्या फिर्यादीनुसार, त्यांच्या शेतातील बोअरवेल असून नादुरुस्तीमुळे बोअरवेलमधील मोटर व केबल वायर ही बाहेर काढून शेतात पडली होती. दिनाक १२ मे संध्याकाळी सहा ते १३ मे सकाळी १० वाजेच्या दरम्यान सदर ५०० फूट केबल वायर अज्ञात चोरट्याने लंपास केल्याचे लक्षात आले. त्यावरून मारवड पोलीसात १७,५०० रुपये किमतीची ५०० फूट केबल वायर चोरून नेल्याप्रकरणी गुन्ह्याची नोंद करण्यात आली आहे. पुढील तपास पो. भरत इशी हे करीत आहेत.
