अमळनेर:- तालुक्यातील बोरगाव येथे मारवड पोलिसांनी छापा टाकून गावठी दारू विकणाऱ्या एकास रंगेहाथ पकडले आहे.
सपोनि जयेश खलाणे यांनी दिलेल्या माहितीनुसार पो. उ.नि. विनोद पाटील, हे.कॉ. मुकेश साळुंखे व पो.ना. सुनील तेली यांच्या पथकाने बोरगाव येथे छापा टाकला असता संजय भाऊराव भील हा त्याच्या राहत्या घराच्या समोर वडाच्या झाडाजवळ प्लास्टिक कॅन मध्ये गावठी दारू विक्रीच्या उद्देशाने बसलेला आढळून आला. त्याठिकाणी १२०० रुपये किमतीची ३० लिटर गावठी दारू मिळून आली. नमुने घेवून उरलेल्या साहित्याचा जागीच नाश करण्यात आला. सदर आरोपीविरुद्ध मु.प्रो. ॲक्ट ६५ ई अन्वये गुन्ह्याची नोंद करण्यात आली असून पुढील तपास पोहेकॉ मुकेश साळुंखे हे करीत आहेत.
