नंदगाव जवळ घडली घटना, एक गंभीर जखमी…
अमळनेर:- तालुक्यातील नंदगाव गावाजवळ बस व दुचाकीच्या धडकेत दुचाकीस्वाराचा जागीच मृत्यू झाला असून एक गंभीर झाल्याची घटना काल ३० जून रोजी घडली आहे.
नंदगाव येथील तरुण किरण हिरालाल पाटील (वय २१) हा सदाशिव पाटील याच्या सोबत मोटरसायकलवर गावात येत नंदगाव गावातील वळण रस्त्यावर बस व दुचाकीची धडक झाली. बस क्रमांक एमएच २० बीएल २५३३ ही पिंगळवाडे येथून अमळनेर कडे जात असताना ही घटना घडली. किरण यास ग्रामीण रुग्णालयात दाखल केले असता वैद्यकीय अधिकारी डॉ प्रकाश ताडे यांनी त्यास मृत घोषित केले. सोबतचा तरुण सदाशिव पाटील हा देखिल गंभीर जखमी झाल्याने खाजगी रुग्णालयात उपचारासाठी दाखल करण्यात आले आहे. बस चालकाविरुद्ध अमळनेर पोलीसात भादवि कलम ३०४ अ, २७९, ३३७, ३३८ अन्वये गुन्ह्याची नोंद करण्यात आली आहे.
