अमळनेर:- तालुक्यातील आदर्शगाव सुंदरपट्टी येथे ग्रामपंचायत व जि. प. शाळेच्यावतीने लो.टिळक पुण्यतिथी व लोकशाहिर अण्णा भाऊ साठे जयंती निमित्त आयोजित कार्यक्रमात शाळेतील विद्यार्थ्यांनी आपले मनोगत व्यक्त केले. तसेच सौ.जयश्री बारड श्रीमती स्मिता सोनवणे तसेच मुख्याध्यापक संजय जगताप यांनी लो.टिळक व लोकशाहिर अण्णा भाऊ साठे यांचा जीवन परिचय करून दिला. त्यानंतर लोकनियुक्त सरपंच सुरेश अर्जून पाटील यांनी हर घर तिरंगा या भारतीय स्वातंत्र्याचा अमृत महोत्सवात प्रत्येक घरावर दिनांक तिरंगा फडकवण्याविषयी आवाहन केले. या कार्यक्रमाचे सूत्रसंचालन शाळेतील विद्यार्थीनी किरण पाटील व आभार प्रदर्शन निकिता पाटील यांनी केले.
