१९ वर्षाखालील भारतीय टेनिस बॉल संघात निवड, नेपाळ येथे होणार सामने…
अमळनेर:- तालुक्यातील मारवड येथील उमेश पाटील यांची नेपाळ येथे होणाऱ्या स्पर्धेसाठी १९ वर्षाखालील टेनिस बॉल क्रिकेट संघात निवड झाल्याने सर्वत्र अभिनंदन केले जात आहे.
मारवड येथील उमेश सुरेश पाटील याने नुकत्याच हरिद्वार येथे झालेल्या राज्यस्तरीय टेनिस बॉल क्रिकेट स्पर्धेत महाराष्ट्राचे प्रतिनिधित्व केले. फास्ट बॉलर म्हणून खेळताना त्याने तीन सामन्यात राज्याचे प्रतिनिधित्व करताना ६ विकेट घेतल्या. नेपाळ येथे होणाऱ्या आंतरराष्ट्रीय टेनिस बॉल क्रिकेट संघात निवड करण्यात आली आहे. आंतरराष्ट्रीय टेनिस बॉल चॅम्पियनशिप ही स्पर्धा ज्युनिअर आणि सिनियर गटासाठी होणार असून नेपाळ येथील पोखरा याठिकाणी २९ डिसेंबर पासून सुरू होणार आहे. या स्पर्धेसाठी उमेशची निवड करण्यात आली असून टेनिस बॉल क्रिकेट फेडरेशन ऑफ इंडिया कडून महाराष्ट्र असोसिएशनचे सेक्रेटरी डॉ. मोहंमद बाबर यांना सदरचे पत्र प्राप्त झाले आहे. त्याला हस्ती पब्लिक स्कुलचे क्रीडा शिक्षक विशाल पवार यांचे मार्गदर्शन लाभले असून उमेशच्या या निवडीबद्दल त्याच्यावर व कुटुंबियांवर अभिनंदनाचा वर्षाव केला जात असून भावी वाटचालीसाठी अनेकांनी शुभेच्छा दिल्या आहेत.
