महिला दिनानिमित्त आयोजित कार्यक्रमात प्रथम पारितोषिक मिळवल्याने सत्कार…
अमळनेर:- जागतिक महिला दिनानिमित्त आयोजित कार्यक्रमात अमळनेर व मारवड पोलीस ठाण्याच्या महिला कर्मचाऱ्यांनी भाग घेत प्रथम क्रमांक पटकावल्याने त्यांच्या छोटेखानी सत्कार कार्यक्रमाचे आयोजन मारवड पोलिस ठाण्यात करण्यात आले होते.
महिला दिनानिमित्त जळगाव येथे सांस्कृतिक कार्यक्रमाचे आयोजन करण्यात आले होते. यात उपविभागीय पोलिस अधिकारी राकेश जाधव यांच्या पत्नी श्रीमती शुभांगी जाधव, पोउनि अक्षदा इंगळे, पोहेकॉ रेखा ईशी, पोना स्मिता वाल्हे, पोकॉ नेहा बारेला, पोकॉ नम्रता जरे, तसेच मंगला सूर्यवंशी यांनी कार्यक्रमात भाग घेत जिल्ह्यात अमळनेर विभागाला प्रथम क्रमांक मिळवून दिला. त्यानिमित्त मारवड पोलीस ठाण्यात आयोजित छोटेखानी सत्काराच्या कार्यक्रमात शांताबाई पाटील (करणखेडे), छाया गव्हाणे (पाडसे), मनीषा पाटील (खेडी खु), तनुजा पाटील (लोण खु) या महिला पोलिस पाटीलांनी त्यांचा सत्कार केला. सदर कार्यक्रमाचे सूत्रसंचालन भाऊसाहेब पाटील यांनी केले. यावेळी मारवड पोलीस ठाण्याचे पीएसआय विनोद पाटील, हेकॉ सुनील आगोणे, फिरोज बागवान, पो.ना. सुनील तेली, भरत इशी, अनिल राठोड, पो.पा. संघटनेचे तालुकाअध्यक्ष गोविंद शिंदे, तसेच पोलीस पाटील बांधव व भगिनी, पोलीस कर्मचारी, होमगार्ड आदी उपस्थित होते.
