अमळनेर:- येथील साई इंग्लिश अकॅडमी कोचिंग क्लासेस तर्फे प्रत्येक वर्षी देण्यात येणारा व इ.10 वी च्या विद्यार्थ्यांसाठी प्रेरणादायी ठरणारा साईरत्न पुरस्कार रविवार, दि.5 मार्च 2023 रोजी झालेल्या सोहळ्यात विद्यार्थ्यांना प्रदान करण्यात आला.
मौर्विका मिलिंद वैद्य, अदिती कैलास साळुंके, श्लोक संदिप सुर्यवंशी, धनश्री रविंद्र महाजन, संकेत केशव सैंदाणे ह्या पाच विद्यार्थ्यांना हा पुरस्कार देण्यात आला. या कार्यक्रमाचे अध्यक्ष शशिकांत पाटील (मोटीवेशनल स्पिकर, सुरत) हे होते. तसेच प्रमुख अतिथी ॲड.सारांश सोनार, पारोळा कोर्टाच्या सरकारी वकील प्रतिभा मगर हे होते. साई इंग्लिश अकॅडमीचे संचालक भैय्यासाहेब मगर तसेच विद्यार्थी, पालक तसेच शिक्षक वृंद यांच्या उपस्थितीत मौर्विका, अदिती, श्लोक, धनश्री, संकेत यांना यंदाचा साईरत्न पुरस्कार देऊन गौरवण्यात आले. पॅनल द्वारा मुलाखत घेऊन ‘साई रत्न’ निवडणारा साई इंग्लिश अकॅडमि हा संपूर्ण महाराष्ट्रातील कदाचित एकमेव क्लास आहे याचा आम्हाला सार्थ अभिमान आहे,असे संचालक-भैय्यासाहेब मगर यांनी सांगितले.
