नगाव खु. येथे शेतातून परततांना घडली दुर्घटना…
अमळनेर:- तालुक्यातील नगाव खु. येथे शेतातून परततांना अंगावर वीज पडल्याने सतरा वर्षीय तरुणीचा मृत्यू झाल्याची घटना काल घडली आहे.
पोलीस पाटील प्रवीण गोसावी यांनी दिलेल्या खबरीनुसार, दिनांक १९ रोजी सायंकाळी ४:३० वाजेच्या सुमारास अवकाळी पावसाने वाऱ्या वादळासह जोरदार हजेरी लावली असता नगाव खु. ते दहीवद रस्त्यालगत गजानन पाटील यांच्या शेताजवळ निरगली मुका बारेला (रा. टाक्यापणी ता. वरला जि. बडवाणी म. प्र. हमू नगाव खु.) ही शेतातून मजुरीहून येत असताना अचानक अंगावर वीज पडल्याने ती जागीच मयत झाल्याची घटना घडली. तिचे प्रेत गावातील लोकांच्या मदतीने शवविच्छेदनासाठी ग्रामीण रुग्णालयात दाखल केले. अमळनेर पोलीसात अकस्मात मृत्यूची नोंद करण्यात आली असून पुढील तपास पो. संदेश पाटील हे करीत आहेत.
