पाडळसरे येथील घटना, मारवड पोलिसांत तक्रार दाखल…
अमळनेर:- तालुक्यातील पाडळसरे येथे लग्नासाठी आलेल्या नंदुरबार येथील इसमाची दुचाकी अज्ञात चोरट्याने लंपास केल्याची घटना दिनांक २४ रोजी घडली आहे.
याबाबत अधिक माहिती अशी की, नरेंद्र अर्जुन निकम (रा. खर्दे ता. जि. नंदुरबार)हे आपल्या साडूच्या मुलीच्या लग्नासाठी पाडळसरे येथे आले होते. दिनांक २४ रोजी दुपारी त्यांची काळ्या रंगाची स्प्लेंडर दुचाकी क्रमांक एमएच १९ बीएन ८२९७ ही गावातील लग्न मंडपाच्या समोर निंबाच्या झाडाखाली लावून दुपारी १ ते ३ वाजेदरम्यान जेवणासाठी गेले असता अज्ञात चोरट्याने चोरुन नेल्याची घटना घडली आहे. याप्रकरणी मारवड पोलिसांत कलम ३७९ अन्वये गुन्ह्याची नोंद करण्यात आली असून पुढील तपास पो ना मुकेश साळुंखे करीत आहेत.
