अमळनेर:- तालुक्यातील हिंगोणे खु. येथील ६५ वर्षीय इसमाचा कलाली शिवारात नाल्यात मृतदेह आढळून आला आहे. याबाबत मारवड पोलिसांत अकस्मात मृत्यूची नोंद करण्यात आली आहे.
याबाबत अधिक माहिती अशी की, बळीराम पंढरीनाथ कोळी (वय ६५) यांना फिटचा त्रास असून ते बेपत्ता झाल्याने त्यांचा शोध घेतेवेळी पुतण्या सचिन कोळी यास त्यांचा मृतदेह कलाली शिवारात मिळून आल्याची माहिती मिळाल्याने दिनांक २४ रोजी ११:३० वाजता त्या ठिकाणी पोहचले असता नाल्यात पडलेल्या मृतदेहाची ओळख पटवली असता तो बळीराम कोळी यांचाच असल्याचे स्पष्ट झाल्याने मारवड पोलीसात अकस्मात मृत्यूची नोंद करण्यात आली आहे. पुढील तपास पो.हे. कॉ. सुनील अगोणे हे करीत आहेत.
