अमळनेर:- येथील मुंदडा नगर जवळील कस्तुराबाग व सोनार नगर भागात काल 28 रोजी रात्री दोन ठिकाणी घरफोडी झाल्याची घटना घडली आहे.
कस्तुराबाग येथील रहिवासी नितेश रोहिदास पाटील (एस टी वाहक) यांच्या घराच्या कडी कोंडा तोडून चोरांनी कपाटातील कपडे अस्ताव्यस्त केले. चोरट्यांच्या हाती रोकड, सोने काहीच लागले नाही. त्याच घराच्या बाजूलाच लावण्यात आलेल्या सीसीटीव्ही कॅमेऱ्यात हे चोर रात्री 3.45 वाजता घराचे कडी कोंडा तोडताना कैद झाले आहेत. तर सोनारनगर येथील श्रीमती कल्पना सूर्यवंशी यांच्याही घराचे कडी कोंडा तोडला असून मात्र काहीही चोरी न झाल्याचे त्यांनी सांगितले. 27 रोजी ही अमळनेर शहरात भरदिवसा चोरी झाली होती. शहरात पुन्हा चोरीचे प्रमाण वाढले असून परिणामी पोलिसांनी लक्ष घालून रात्रीची गस्त वाढवावी अशी मागणी होत आहे.
