पावसामुळे मतदारांसह उमेदवारांचीही उडाली त्रेधातिरपिट…
अमळनेर:- तालुक्यातील कृषी उत्पन्न बाजार समितीच्या निवडणुकीत ९८ टक्के मतदान झाले असून आता उद्या उमेदवारांचे भवितव्य समजणार आहे.
सोसायटी प्रवर्गात ११२९ मतदारांपैकी १११७ जणांनी मतदानाचा हक्क बजावत एकूण ९९ टक्के मतदान झाले. ग्रामपंचायत प्रवर्गात १०१५ मतदारांपैकी ९८३ जणांनी मतदानाचा हक्क बजावत ९७ टक्के मतदान झाले. तसेच हमाल मापाडी प्रवर्गात ३४४ पैकी ३४० जणांनी मतदान केले. असे एकूण २४८८ मतदारांपैकी २४४० मतदारांनी मतदान केले असून एकूण ९८ टक्के मतदान झाले आहे. अनेक उमेदवारांनी आपले देव पाण्यात ठेवले असून काहींसाठी ही निवडणूक अस्तित्वाची लढाई आहे. त्यामुळे कोणाचे नशीब उजळणार व कोणाच्या पदरी अपयश पडणार हे उद्या समजेलच.
