पालकमंत्री गुलाबराव पाटील यांच्याहस्ते उत्कृष्ट चालक म्हणून गौरव…
अमळनेर:- रा.प. महामंडळाच्या ७५ व्या वर्धापनदिनानिमित्त दिनांक ०३ जून रोजी आयोजित कार्यक्रमात रा.प. महामंडळात ज्या कर्मचाऱ्यांनी आपल्याला नेमून दिलेले काम प्रामाणिकपणे करीत रा.प.महामंडळाचे नाव लौकिक ठेवणारे कर्मचाऱ्यांचा हि सहपत्नीक सत्काराचे आयोजन करण्यात आले होते.
अमळनेर आगारातील चालक गबा भाकचंद बिऱ्हाडे यांनी आपल्या २५ वर्षाहून अधिक सेवातंर्गत अपघात विरहित बजावलेल्या सेवेमुळे रा.प. महामंडळाची जनमानसात प्रतिमा उंचावली आहे.प्रवाशांच्या मनात सुरक्षिततेची भावना निर्माण केल्याबद्दल त्याचा जळगांव येथे सपत्नीक मंत्री गुलाबराव पाटील यांच्या हस्ते रक्कम रु. २५०००/- चा धनादेश देऊन गौरविण्यात आले.त्याचे उत्कृष्ट कार्याबद्दल सर्वत्र अभिनंदन होत असून ते प्रसिध्द गायक समाधान बिऱ्हाडे यांचे वडील आहेत.
