पोलिसांत अज्ञात चोरट्याविरुद्ध गुन्हा दाखल…
अमळनेर:- तालुक्यातील इंदापिंप्री शिवारात विजेच्या अल्युमिनियमच्या तारा अज्ञात चोरट्यांनी चोरुन नेल्या असून पोलिसांत गुन्हा दाखल करण्यात आला आहे.
इंदापिंप्री शिवारात बाबुराव पुंडलिक पाटील यांची शेती असून त्यांच्या शेतातील विद्युत खांबाच्या १२ हजार रुपये किमतीच्या अल्युमिनियमच्या तारा अज्ञात चोरट्याने कट करून २४ जून रोजी सकाळी ६ वाजेपुर्वी चोरून नेल्या आहेत. सहाय्यक अभियंता विजय माळी यांनी अमळनेर पोलीस स्टेशनला फिर्याद दिल्यावरून अज्ञात चोरट्याविरुद्ध गुन्हा दाखल करण्यात आला असून तपास हेडकॉन्स्टेबल कैलास शिंदे करत आहेत.
