विषारी औषध प्राशन केल्यानंतर उपचारादरम्यान मृत्यु…
अमळनेर:- तालुक्यातील एकतास येथील २४ वर्षीय तरुणाने फवारणीचे विषारी औषध प्राशन करून आत्महत्या केल्याची घटना काल दुपारी १२ वाजेच्या सुमारास घडली आहे.
मयत आकाश रवींद्र पाटील (वय २४) याने राहत्या घरी मोनोक्रोटोफॉस नावाचे फवारणी करण्याचे औषध प्राशन केले. घरच्यांच्या लक्षात येताच त्याला अमळनेर ग्रामीण रुग्णालयात उपचारासाठी दाखल केले असता उपचारादरम्यान त्याचा मृत्यू झाल्याचे डॉक्टरांनी घोषित केले. ज्ञानेश्वर पाटील यांच्या खबरीवरून मारवड पोलिसांत अकस्मात मृत्यूची नोंद करण्यात आली असून पुढील तपास पोहेकॉ शरीफ पठाण हे करीत आहेत. मयत आकाश हा नरडाणा एमआयडीसी मध्ये कंपनीत कामाला होता. त्याच्या पश्चात आई, वडील, मोठा भाऊ, वहिनी, आजी असा परिवार आहे.
