अमळनेर:- येथील लोकमान्य टिळक शिक्षण संस्था संचलित, सी. बी. एस.ई. सायरादेवी बोहरा सेंट्रल स्कूल,मंगरूळ येथे राष्ट्रीय विज्ञान दिन साजरा करण्यात आला. याप्रसंगी भारतीय थोर शास्त्रज्ञ सर सी.व्ही रमन यांच्या प्रतिमेचे पूजन करण्यात आले. यावेळी शाळेत विज्ञान विषया संबंधित प्रश्नमंजुषा घेण्यात आली व इयत्ता आठवीचा विद्यार्थी मनीष पाटील याने दैनंदिन जीवनात विज्ञानाचे महत्त्व या विषयावर मनोगत व्यक्त केले. कार्यक्रमाचे सूत्रसंचालन विद्यार्थिनी शैलजीत शिंदे हिने केले तर आभार विद्यार्थिनी मनस्वी बोरसे हिने मानले. कार्यक्रमाच्या यशस्वीतेसाठी सर्व शिक्षकांनी परिश्रम घेतले.
