अमळनेर पोलिसांनी केली हातभट्टी उध्वस्त…
अमळनेर:- शहरातील बहादरपुर रोडवर गावठी दारू भट्टीवर कारवाई करत अमळनेर पोलिसांनी एका महिलेविरुद्ध गुन्ह्याची नोंद केली आहे.
याबाबत अधिक माहिती अशी की, पो. नि. विजय शिंदे यांच्यासह उ. नि. गंभीर शिंदे, हे. कॉ. चंद्रकांत पाटील, पो.ना. दीपक माळी, पो. कॉ. नम्रता जरे, पो.ना. रवींद्र पाटील यांच्या पथकाने शहरातील कंजरवाडा भागात अमळनेर पोलिसांनी छापा टाकला असता त्याठिकाणी ५ हजार रुपये किमतीचे कच्चे रसायन, व पाचशे रुपये किमतीची तयार दारू मिळून आल्याने नमुने घेवून उरलेल्या साहित्याचा व हातभट्टीचा नाश करण्यात आला. पो. कॉ. नम्रता जरे यांच्या फिर्यादीवरून बिंदिया लालसिंग कंजर (रा. बहादरपुर रोड) हिच्या विरुद्ध गुन्ह्याची नोंद करण्यात आली आहे.
