अमळनेर:- येथील अमळनेर शिक्षण प्रसारक मंडळ, अमळनेर संचलित साने गुरुजी कन्या शाळेत शैक्षणिक साहित्य कार्यशाळेचे आयोजन करण्यात आले होते.
उपक्रमशील शिक्षिका मोनाली योगेश वंजारी यांनी मराठी भाषा विषयाअंतर्गत इयत्ता नववीच्या वर्गात शैक्षणिक साहित्य कार्यशाळेचे आयोजन करून विद्यार्थिनींकडून मराठी भाषा विषयाचे शैक्षणिक साहित्य तयार करून घेतले. यावेळी विद्यार्थिनींनी व्याकरणाचे तक्ते, म्हणी व त्यांचे अर्थ, वाक्प्रचार व त्यांचे वाक्यात उपयोग, सुविचार असे शैक्षणिक साहित्य तयार केले. या उपक्रमात सर्व विद्यार्थिनींनी भरभरून सहभाग नोंदविला यावेळी मराठी विषय शिक्षक मुकेश पाटील यांचे सहकार्य लाभले तसेच शाळेच्या मुख्याध्यापिका श्रीमती अनिता बोरसे यांनी विद्यार्थिनींचे कौतुक केले. संस्थेचे सचिव मा.श्री संदीप घोरपडे यांच्या प्रेरणेतून असे नवनवीन उपक्रम शाळेत घेतले जातात.
