तालुक्यात सर्वत्र रामनवमी उत्साहात साजरी…
अमळनेर:- राम नवमी निमित्त प्रताप महाविद्यालयाजवळील राम मंदिरात मोठ्या प्रमाणावर भाविकांनी गर्दी करत रामनामाचा गजर केला. राम जन्मोत्सवानिमित्त मंदिराला आकर्षक सजावट करण्यात आली होती. तालुक्यात रामजन्मोत्सव उत्साहात भक्तीमय वातावरणात पार पडला.
तालुक्यातील आज करणखेडे येथे श्री राम नवमी निमित्ताने ग्रामस्थांतर्फे तसेच श्री राम मंदिर, श्री विठ्ठल मंदिर संस्थानाच्या वतीने यात्रोत्सवाचे व रथोत्सवाचे आयोजन करण्यात आले होते.
अमळनेर येथील मंगळग्रह मंदिरातही श्रीराम नवमीनिमित्त बुधवारी ३० मार्च रोजी दुपारी १२ वाजता श्रीराम जन्मोत्सव विधिवतरीत्या सत्यनारायणाची पूजा करण्यात आली. त्यानंतर प्रभू श्री रामचंद्रांच्या बालमृत्यूचे पूजन झाले. पूजेनंतर पाळणा व महाआरती प्रमुख पाहुण्यांच्या उपस्थितीत पार पडली. या पूजेचे मुख्य मानकरी अमळनेर येथील सामाजिक कार्यकर्ते आशिष चौधरी सहपत्नीक उपस्थित होते. दर्शनासाठी आलेल्या भाविकांना महाप्रसादाचे वाटप करण्यात आले होते.
