जुन्या वादाची काढली कुरापत, गुन्हा दाखल…
अमळनेर:- तालुक्यातील मांडळ येथे जुन्या वादातून एकाला लोखंडी रॉडने मारत जखमी केल्याने मारवड पोलीसात तक्रार दाखल करण्यात आली आहे.
याबाबत अधिक माहिती अशी की, शेख अयाज शेख सलीम हे मिस्तरी काम करून परतले असता लहान मुलांच्या वादातून बहिणीचे वादविवाद झाल्याचे समजल्याने त्यांनी नसिमबी शेख रहीम, फिरोज शेख रहीम, रईस शेख रहीम, रहीम शेख मुनीर यांना हे चांगले झाले नाही असे समजण्यास गेले असता त्यांनी फिर्यादीस तू सकाळ पासून कुठे गेला होता असे म्हणत पकडुन लोखंडी रॉडने डोक्यात मारल्याने गंभीर जखमी केले असून जिवे मारण्याची धमकी दिली. त्यावरून वरील चार जणांविरुद्ध मारवड पोलीसात भादवि कलम ३२४, ३२३, ५०४, ५०६, ३४ अन्वये गुन्ह्याची नोंद करण्यात आली आहे. पुढील तपास पो.हे. कॉ. भरत श्रीराम इशी हे करीत आहेत.
