अमळनेर:- तालुक्यातील झाडी येथील जिल्हा परिषदेच्या शाळेत वसंतराव नाईक यांच्या जयंतीचे औचित्य साधत विद्यार्थ्यांना पाणी पिण्याच्या बाटल्या वाटप करण्यात आल्या.
अमळनेर येथील मंगळ ग्रह संस्थानमार्फत तालुक्यातील शाळांमध्ये शालेय विद्यार्थ्यांना पाणी पिण्याची बाटली उपलब्ध करून देण्यात आली आहे. झाडी येथे जिल्हा परिषद शाळेचे शालेय समिती अध्यक्ष भैय्या पाटील, गावातील पालक उपस्थित होते. यावेळी मुख्याध्यापक जाईदखा पठाण यांनी मनोगत व्यक्त केले. तर सूत्रसंचालन व आभार उपशिक्षीका माया बंजारा यांनी केले. इयत्ता पहिली ते चौथीच्या विद्यार्थ्यांना चांगल्या प्रतीच्या बॉटल्स वाटप करण्यात आल्याने त्यांच्या चेहऱ्यावर आनंद दिसून येत होता.
