अमळनेर:- तालुक्यातील खेडी बु. येथे छत्रपती शिवाजी महाराजांच्या प्रतिमेचे जयंतीनिमित्त अनावरण करण्यात आले.
खेडी बु. येथील युवा शिवप्रेमींतर्फे सदर कार्यक्रमाचे आयोजन करण्यात आले होते. माजी आमदार स्मिता वाघ व पंचायत समितीचे उपसभापती भिकेश पाटील यांच्या हस्ते प्रतिमेचे अनावरण व पूजन करण्यात आले. भैरवी पलांडे यांची प्रमुख उपस्थिती होती. यावेळी खेडी वासरे खर्दे गृप ग्रामपंचायतीचे सरपंच, उपसरपंच, सर्व सदस्य यांच्यासह ग्रामस्थ व युवा शिवप्रेमींनी मोठ्या प्रमाणावर गर्दी केली होती.
